هه‌موومان ده‌زانین که‌ کاتژمێر بریتیه‌ له‌ جۆره‌ ته‌کنۆلۆجیایه‌ک که‌ له‌ به‌شێکی جیاواز دا پؤڵێن ده‌کرێن وکاری ته‌یبه‌تیان هه‌یه‌ ، وه‌ به‌وه‌ جیا ده‌کرێنه‌وه‌ که‌ به‌ پێچه‌وانه‌ی ته‌کنۆلۆجیاوه‌یه‌ ، به‌ شێوه‌یه‌ک که‌ کاتژمێری میکانیکی گرانتره‌ له‌ کاتژمێری دیجیتالی یان ژماره‌یی وه‌ هیچ ته‌کنۆلۆجیایه‌کی دیجیتالی نوێ کاری تێدا ناکات وه‌کو کاتژمێری ڕۆلیکس که‌ نرخیان گرانه‌ و کاره‌که‌شی میکانیکیه‌ . هه‌ر بۆیه‌ کاتێک که‌ کاتژمێرێکی نوێ ده‌رده‌چێت سیستمی دیجیتالی تێدا به‌ کار ده‌هێنرێت بۆ کارێکی نوێ له‌ گه‌ڵ کاتژمێره‌که‌دا ، که‌ ئه‌مه‌ش زۆر جار وه‌کو فێڵێک به‌ کار ده‌هێنرێت بۆ فرۆشتنی کاڵاکانیان .
کۆمپانیای به‌ ناوبانگی جیهانی Sony Erricson جۆره‌ کاتژمێرێکی دروست کردوه‌ به‌ ناویMBW-100 که‌ نرخه‌که‌ی 399 دۆلاری ئه‌مریکیه‌ . ئه‌م کاتژمێره‌ هه‌ڵده‌ستێت به‌ ئاگادار کردنه‌وه‌ی خاوه‌نه‌کی کاتێک که‌ په‌یوه‌ندیه‌کی بۆ دێت و ناوی که‌سه‌که‌ یان ژماره‌که‌ی ده‌نوسێت ، یه‌کێکی تر له‌و تایبه‌تمه‌ندیانه‌ی که‌ هه‌یه‌تی ده‌توانێت خاوه‌نه‌که‌ی ئاگادار بکاته‌وه‌ به‌ له‌ره‌یه‌کی که‌م کاتێک که‌ خاوه‌نه‌که‌ی '30 واته‌ 9 مه‌تر لێی دوور که‌وته‌وه‌ ، وه‌ به‌ په‌نجه‌ نان به‌ دوگمه‌ی سه‌ر کاتژمێره‌که‌ ده‌توانێت ده‌نگه‌که‌ی نه‌هێڵێت یان په‌یوه‌ندیه‌که‌ بگوێێته‌وه‌ بۆ سندوقی په‌یوه‌ندیه‌کان له‌ مۆبایله‌که‌یدا ، هه‌ر کاتێکیش ویستی په‌یوه‌ندیه‌که‌ هه‌ڵگرێت ئه‌وا ئه‌توانێت مۆبایله‌که‌ی به‌ کار بهێنێت .
ئه‌م جۆره‌ کاتژمێره‌ تا ئێستا له‌ گه‌ڵ 12 جۆر له‌ مۆبایلی سۆنی ئێریکسۆن کار ده‌کات و چاوه‌ڕێ ده‌کرێت ئه‌م کاتژمێره‌ بۆ زۆر جۆری تر له‌ مۆبایل دروست بکرێت .