بابه‌ت: كۆمپانیاى nvidia كۆمپیوتەرێكى بەهێز بەرهەم دەهێنێت

بەم دواییانە كۆمپانیاى nvidia كە تایبەتە بە بەرهەم هێنانى شیكەرەوە گرافیكیەكان (VGA) كۆمپیوتەرێكى بەهێزى دروست كرد كە بۆ مەبەستى پزیشكى بە كار دەهێنرێت لە بەر گرانى ئەو كۆمپیوتەرە .
ناوى ئەو كۆمپیوتەرە (تیزلا) یە و لەم ڕۆژانە دا لە پایتەختى بریتانیا ، لەندەن نمایش كرا ، زانایانى كۆمپانیاكە ئاماژەیان بەوە دا كە لە شاشە و پارچەكانى ناوەوەى كۆمپیوتەرەكەدا چەن پارچەیەكى شیكەرەوەى گرافیك كە ناسراوە بە (GPU) بە كار هێناوە كە وا لە كۆمپیوتەرەكە دەكەن هەموو بەشەكانى لە یەك كاتدا كار بكەن و لە شیكردنەوە گرافیكیەكاندا بەشدار بن .
خێرایى ئەو كۆمیوتەرە ٢٥٠ جار لە كۆمپیوتەرى ئاسایى خێراترە و نرخەكەى ٤٠٠٠ جنەى ئیستەرلینیە كە دەكاتە نزیكەى ٦٠٠٠ دۆلارى ئەمریكى ، ئەمەش واى لێ دەكات كە زۆر باو نەبێت و بڵاو نەبێتەوە و تەنها لە دامەزراوە حكومیەكاندا بە كار بهێنرێت .
وتەبێژى كۆمپانیاكە بینجامین براوند ڕاى گەیاند كە ئەم سیستمە نوێیە وەرچەرخانێكى نوێ لە بوارى ئامێرە كۆمپیوتەرەكاندا دروست دەكات و ختوەیەك بەرەو پێشى دەبات .
شایانى باسە ئەم سیستمى كار پێ كردنى یەكەكانى GPU پێشتر لە لایەن چەند زانایەكى زانكۆى كامبریدج و ئۆكسفۆرد و MIT ئەمریكیەوە بۆ شیكار كردنى چەند كۆدێكى DNA لە ڕێى كۆمیوتەرەوە بە كار هاتووە ، بەڵام نەكرابوو بە كۆمپیوتەرێكى سەربەخۆ و بە شێوەى سەربەخۆ نەیدەتوانى كار بكات .
هەروەها كۆمپانیاكە ڕایگەیاند كە ئەم كۆمپیوتەرە ڕێگە بە زانایان دەدات بۆ شى كردنەوەى چەندین كۆد لە یەك جار دا لەو دەرمانانەى كە لە بوارى پزیشكى دا بەرهەم دەهێنرێن .
هەروەها جاك كولینز لە بەشى كۆمپیوتەرى پزیشكى پێشكەوتوو لە میرلاند ڕایگەیاند كە ئەم جۆرە كۆمپیوتەرانە یارمەتیدەر دەبن لە دۆزینەوە چارەسەرە جیاوازەكانى نەخۆشى سەرەتان و لە ناو بردنى ئەو نەخۆشیە بە تەواوى .

كاك ده‌شتی ده‌ستت خۆش بێت ، بۆ ئه‌م زانیاره‌ به‌سودانه‌ .